តើធ្វើដូចម្តេច ដើម្បីជៀសវាងអាហារ ដែលខូចដុះផ្សិតនៅរដូវក្តៅ ដើម្បីបង្ការជំងឺរាករូស
1. ជ្រើសរើសទទួលទានតែអាហារចំអិនឆ្អិនថ្មីៗ ដែលប្រើប្រាស់កំដៅចំអិនគ្រប់គ្រាន់ ឬលើសពី 100អង្សាសេ
2. ជៀសវាងទទួលទានអាហារ ដែលចំអិនទុកចោលលើសពី 4 ម៉ោង ដោយពុំបានយកមកកំដៅឡើងវិញ
3. ប្រសិនបើទិញអាហារមកហើយ មិនទាន់បានទទួលទានភ្លាមៗ គួរយករក្សាទុកក្នុងទូរទឹកកក ហើយមុនពេលយកមកទទួលទានត្រូវកំដៅឡើងវិញឲ្យក្តៅល្អ
4. មិនគួររក្សាទុកអាហារ ដែលចំអិនរួចហើយ ក្នុងទូរទឹកកកយូរហួសរយៈ 2-3ថ្ងៃ
5. ប្រសិនបើភ្លេច និងទុកអាហារចោលត្រូវថ្ងៃ ដូចជា ទុកចោលក្នុងរថយន្តលើសពី 3-4ម៉ោង មិនគួរនាំយកមកទទួលទានទៀតទេ ព្រោះអាចមានមេរោគបាក់តេរីកើតឡើង ដែលអាចនាំឲ្យខូចសុខភាពបាន
6. មុនពេលទទួលទានចំណីអាហារគ្រប់ពេល គួរសង្កេតមើលរូបរាងរសជាតិក្លិនជាមុនសិន ថាតើមានអ្វីប្រែប្រួលខុសប្លែក ពីធម្មតាដែរ ឬទេ? បើមានមិនគួរយកមកទទួលទានទៀតនោះឡើយ
7. អាហារដែលចំអិនរួចហើយ គួររក្សាទុកត្រឹមត្រូវក្នុងប្រអប់បិទជិត ហើយប្រអប់ត្រូវផលិតមកពីប្រភពដែលអាចជឿទុកចិត្តបាន
8. ប្រសិនបើទទួលទានអាហារជាមួយ ក្នុងចំណោមមនុស្សច្រើន គួរប្រើស្លាបព្រាកណ្តាលដើម្បីបង្ការជំងឺឆ្លងតាមរយៈទឹកមាត់ ដូចជាជំងឺផ្តាសាយ និងជំងឺកញ្ជ្រិល ជាដើម
9. លាងសម្អាតដៃឲ្យស្អាតរាល់ពេល ដែលចាប់ប៉ះអាហារ មុនពេលទទួលទាន និងក្រោយពេលបន្ទោលបង់ ។
តើធ្វើដូចម្តេចដើម្បីសង្កេតមើលអាហារដែលខូច?
1. សូមមើលកាលបរិច្ឆេទផុតកំណត់នៃការវេចខ្ចប់។
2. ក្លិនអាហារផ្លាស់ប្តូរ ដូចជា ជូរ ស្អុយ ដុះផ្សិត ផ្អូម
3. រូបរាងអាហារមានការផ្លាស់ប្តូរ ដូចជា រឹងដុំៗ ស្អិត សើម មានពពុះ
4. រស់ជាតិអាហារផ្លាស់ប្តូរ ដូចជា ជូរ ស្អុយផ្អួល
5. ពណ៌អាហារផ្លាស់ប្តូរអាចធ្វើឲ្យកើតមានមេរោគកើតឡើង ។
អរគុណ
ទិន្នន័យ: https://www.moph.go.th/
រូបភាព: Mthai
ប្រែសម្រួលដោយ: Lim Vengly