fbpx
For a better experience please change your browser to CHROME, FIREFOX, OPERA or Internet Explorer.
​ស្ត្រីមានផ្ទៃពោះអាចញ៉ាំធុរេនបានអត់?

​ស្ត្រីមានផ្ទៃពោះអាចញ៉ាំធុរេនបានអត់?

ក្នុងកំឡុងពេល​ស្ត្រីមាន​ផ្លៃពោះ គួរតែពិសារ​​ផ្លែធុរេន ដោយសារធុរេន​សម្បូរទៅ​​ដោយសារ​​​ធាតុចិញ្ចឹមច្រើន ជាងគេផ្លែ​ឈើ​ផ្សេងទៀត និង​​មានប្រយោជន៍ជួយ​ថែរក្សាគភ៌ ក្នុងផ្ទៃអោយ​មានសុខភាពល្អ។

អ្នកជំនាញ​បានណែនាំឱ្យស្ត្រីទទួលទានធុរេន ព្រោះវាមាន​ផ្ទុក​អាស៊ីត​ហ្វូឡាតដែលដើរតួសំខាន់ ក្នុងដំណើរការលូតលាស់កោសិកា និង DNA របស់ទារក។

ជាតិប៉ូតាស្យូមក្នុងធុរេននឹង​ជួយដល់​ការលូតលាស់​​​ របស់សុខភាពគ្រោងឆ្អឹងគភ៌ ស្របពេល​ធ្វើឱ្យម្តាយក៏ទទួលបានឆ្អឹងរឹងមាំ ជាតិសរសៃនឹងជួយការពារម្តាយ​ ពីជំងឺទល់លាមក និងជាឱសថបំបាត់ជំងឺឈឺក្បាល របស់ស្ត្រីយ៉ាងមានប្រសិទ្ធភាពផងដែរ។

ស្ត្រីញ៉ាំធុរេន​ជាប្រចាំជួយ​ដល់ការលូតលាស់​ខួរក្បាលរបស់ទារក។​ សមាសធាតុក្នុងធុរេន​ អាចជួយជម្រុញដល់ប្រព័ន្ធរំលាយអាហារ​​​​ឱ្យដំណើរការបានល្អ បង្កើនការស្រេក​ឃ្លានអាហារ។ ជាពិសេស​ស្ត្រីពរពោះបាន ៣ខែដំបូង​ អាចជួបបញ្ហាចាញ់កូន ពិបាកញ៉ាំអាហារ។ ជាតិប៉ូតាស្យូមក្នុងធុរេននឹងជួយដល់ការលូតលាស់របស់សុខភាពគ្រោងឆ្អឹងគភ៌ ស្របពេលធ្វើឱ្យម្តាយក៏ទទួលបានឆ្អឹងរឹងមាំ ជាតិសរសៃនឹងជួយការពារម្តាយពីជំងឺទល់លាមក និងជាឱសថបំបាត់ជំងឺឈឺក្បាលរបស់ស្ត្រីយ៉ាងមានប្រសិទ្ធភាពផងដែរ។

ក្រៅពីនេះធុរេនផ្តល់នូវអត្ថប្រយោជន៍ជាច្រើនទៀតដូចជា ផ្តល់នូវថាមពលសម្រាប់រាងកាយ ជួយដល់​ការលូតលាស់ឆ្អឹង និងធ្មេញ ជួយសម្រួលប្រព័ន្ធរំលាយអាហារឲ្យ​ដំណើរ​ការល្អ ជួយថែទាំ​កម្រិត​សម្ពាធឈាមដែល​មាន​​​​ប្រយោជន៍​ សម្រាប់អ្នកជំងឺខ្វះឈាម ជួយកាត់បន្ថយជាតិខ្លាញ់ក្នុងសរសៃឈាម ជួយការពារពីជម្ងឺបេះដូង និងជំនួយ​ទៅដល់ចំណង់ផ្លូវភេទ ​​ឲ្យមានភាពល្អប្រសើរជាងមុន

ថ្វី​ត្បិត​តែ​ការ​ញ៉ាំ​ផ្លែឈើ​ល្អ​មែន ប៉ុន្តែ​ស្ត្រីមានផ្ទៃពោះមិនគួរញ៉ាំធុរេនច្រើនពេកនោះទេ ដោយសារ​ធុរេនជាប់ចំណាត់ថ្នាក់លេខ១ ខាងជាតិស្ករដ៏ច្រើនលើសលុប។ ម្យ៉ាងវិញទៀត គ្រូពេទ្យ​ភាគច្រើនបាន​ណែនាំ​ឲ្យ​ស្ត្រី​មាន​ផ្ទៃពោះ​តម​ញ៉ាំ​អាហារ​ផ្អែម​ៗ ​ច្រើន​ពេក ពីព្រោះ​វា​អាច​ធ្វើ​ឲ្យ​ម្តាយ​ឡើង​គីឡូ ហើយ​ប្រឈម​មុខ​ខ្លាំង​នឹង​ជំងឺ​ទឹកនោមផ្អែម​។

ឯកសារយោង៖ (lifehack.org​; stylecraze.com)

Top