គីម ជុងអ៊ុន (Kim Jong Un) ត្រូវបន្តមរតកតំណែងគ្រប់គ្រងប្រទេសដែលពិភពលោកស្គាល់ តាមរយៈការធ្វើតេស្តអាវុធនុយក្លេអ៊ែរ និងកំពុងអភិវឌ្ឍន៍បច្ចេកវិទ្យាមីស៊ីល

គីម ជុងអ៊ុន (Kim Jong Un) ត្រូវបន្តមរតកតំណែងគ្រប់គ្រងប្រទេសដែលពិភពលោកស្គាល់ តាមរយៈការធ្វើតេស្តអាវុធនុយក្លេអ៊ែរ និងកំពុងអភិវឌ្ឍន៍បច្ចេកវិទ្យាមីស៊ីល

គីម ជុងអ៊ុន (Kim Jong Un)

អគ្គមគ្គុទេសន៍កូរ៉េខាងជើង

          ១. កម្លាំងកងទ័ព គឺតំណាងឲ្យភាពរឹងមាំរបស់ប្រទេស។

          ២. បើគ្មានថ្ងៃម្សិលមិញ ក៏គ្មានថ្ងៃនេះដែរ ហើយបើគ្មានថ្ងៃនេះ ក៏គ្មានថ្ងៃស្អែកដែរ ។

          ៣. ដឹងទេថា អ្វីដែលធ្វើឲ្យមានវិនាសកម្មជាងអាវុធនុយក្លែរអ៊ែរ ចម្លើយគឺ ពាក្យសំដី ។

          ៤. ដើម្បីស្ថាបនាប្រទេសជាតិមួយ រឿងសំខាន់បំផុត គឺការកសាងភាពរឹងមាំ នៃមូលដ្ឋានវឌ្ឍនភាពរបស់ប្រទេស និងបង្កើតឲ្យប្រជាជនរស់នៅប្រកបដោយជីវិតរីករាយបំផុត ។

          ៥. ព្រៃឈើ គឺជាធនធានដ៏មានតម្លៃរបស់ប្រទេសជាតិ និងជាទ្រព្យសម្បត្តិសម្រាប់ក្មេងជំនាន់ក្រោយ។

          ៦. គំនិតស្នេហាជាតិ មិនមែនជាគំនិតអរូបីនោះទេ។ វានឹងចាប់ផ្តើមពីផ្ទះនិមួយៗ។ វាចាប់ដុះពន្លកចេញពីបេះដូងនៃឪពុកម្តាយ ប្តីប្រពន្ធ និងកូន ពីក្រុមគ្រួសារមួយ ភូមិមួយ សហគមន៍មួយ ហើយបន្ទាប់វានឹងក្លាយជាក្តីស្រលាញ់សម្រាប់ប្រទេសជាតិ និងប្រជាជាតិមួយ ។

          ៧. ពេលដែលក្មេងៗរបស់យើងខ្លាំង នោះគណបក្ស និងកងទ័ពរបស់យើងក៏ខ្លាំងដែរ ហើយពេលនោះគ្មានអ្វីដែលយើងត្រូវខ្លាចនោះទេ ។

            កើតនៅប្រទេសកូរ៉េខាងជើង ដោយមានម្តាយឈ្មោះ កូ យ៉ុងហី​ ជាអ្នកចម្រៀងអូប៉េរ៉ា ហើយឪពុកគឺ គីម ជុងអ៊ីល បុរសខ្លាំងតត្រកូលគីម។ គេបានស្គាល់ឪពុកច្រើនជាង ដោយលោកគ្រប់គ្រងប្រទេស កុម្មុយនិស្តដ៏ឯកាយ៉ាងណែន ក្នុងរយៈពេលជាងមួយទសវត្សរ៍ រហូតទាល់តែទទួលមរណភាពដោយជំងឺក្នុងឆ្នាំ២០១១។ លោក គីម ជុងអ៊ុន ត្រូវបន្តមរតកតំណែងគ្រប់គ្រងប្រទេសដែលពិភពលោកស្គាល់ តាមរយៈការធ្វើតេស្តអាវុធនុយក្លេអ៊ែរ និងកំពុងអភិវឌ្ឍន៍បច្ចេកវិទ្យាមីស៊ីល។ គីម ជុងអ៊ុន ក៏ធា្លប់បានសន្យា យ៉ាងមុតមាំ ជាមួយប្រជាជនខ្លួនថា នឹងធ្វើកំណែទម្រង់វិស័យអប់រំ និងសេដ្ឋកិច្ចឲ្យបានប្រសើរបំផុត។ លើសពីនេះ អ្វីដែលធ្វើឲ្យពិភពលោកចាប់អារម្មណ៍ និងស្គាល់មេដឹកនាំវ័យក្មេង គឺការបោសសម្អាតសត្រូវផ្ទៃក្នុងដើម្បីពង្រឹងអំណាច ការបន្តកម្មវិធីនុយក្លេអ៊ែរ និងការគំរាមធ្វើសង្គ្រាមជាមួយកូរ៉េខាងត្បូង និងអាមេរិចជាដើម។ ឆ្នាំ២០១៨ លោកគីម បានបង្កើតប្រវត្តិសាស្រ្តដោយបានជាន់ដីកូរ៉េខាងត្បូង និងជួបប្រជុំគ្នាជាមួយប្រមុខរដ្ឋបងប្អូននេះ។

ប្រភព: សៀវភៅបុគ្គលល្បី មនុស្ស ១០០ គំនិត ១០០០ រៀបរៀងដោយ ឈុំ សីហា

Top