ខុង ជឺ (Confucius) គឺជាទស្សនវិទូបុរាណចិនដែលបានបន្សល់ទុកនូវស្នាដៃជាច្រើនដែលមនុស្សជាតិ

ទស្សនវិទូបុរាណចិន

          ១. តាមពិតជីវិត គឺសាមញ្ញ ប៉ុន្តែយើងទេតើដែលធ្វើឲ្យវាស្មុគស្មាញនោះ ។

          ២. មិនសំខាន់ថាយើងដើរយឺតប៉ុណ្ណានោះទេ អ្វីដែលសំខាន់គឺកុំបោះបង់ (កុំឈប់) ។

          ៣. មាន ឆន្ទះ គឺឈ្នះ មាន ក្តីប្រាថ្នា គឺជោគជ័យ ការពុះពារ ធ្វើឲ្យអ្នករកឃើញនូវសក្តានុពលភាពរបស់ខ្លួន ដែលទាំងអស់នេះគឺជាគន្លឹះដ៏សំខាន់ដើម្បីធ្វើឲ្យក្លាយជាមនុស្សពូកែបំផុត ។

          ៤. គ្រប់របស់សុទ្ធតែមានសម្រស់របស់វា ប៉ុន្តែមិនមែនគ្រប់គ្នាសុទ្ធតែមើលឃើញវានោះទេ ។

          ៥. ទោះបីអ្នកទៅទីណាក៏ដោយសូមទៅជាមួយបេះដូងរបស់អ្នក ។

          ៦. ពេលខ្ញុំលឺ ខ្ញុំនឹងភ្លេច។ ពេលខ្ញុំឃើញ ខ្ញុំនឹងចាំ។ ពេលខ្ញុំធ្វើ ខ្ញុំនឹងយល់ ។

            ៧. ភាពអស្ចារ្យមិនមែនដោយសារអ្នកមិនធ្លាប់ដួលនោះ ប៉ុន្តែវាគឺជាការងើបក្រោកឈរឡើងរាល់ពេលដែលអ្នកដួល ។

          ៨. ពេលគោលដៅរបស់អ្នកមិនបានសម្រេច ចូរកុំផ្លាស់ប្តូរគោលដៅ តែត្រូវផ្លាស់ប្តូរសកម្មភាពរបស់អ្នក។

          ៩. អ្នកត្រូវចំណាយពេល១ឆ្នាំដើម្បីដាំដំណាំ ចំណាយ១០ឆ្នាំ ដើម្បីដាំដើមឈើ និងចំណាយពេល១០០ឆ្នាំដើម្បីបង្រៀនមនុស្ស ។

            ១០. មានបុគ្គលពីរប្រភេទដែលមិនចេះផ្លាស់ប្តូរ ទី១ បុគ្គលដែលឈ្លាសវៃបំផុត និងទី២ បុគ្គលដែលល្ងង់បំផុត ។

          ខុងជឺ (Confucius) គឺជាទស្សនវិទូបុរាណចិនដែលបានបន្សល់ទុកនូវស្នាដៃជាច្រើនដែលមនុស្សជាតិ ទាំងទស្សនៈ និងទ្រឹស្តីសិក្សាជាច្រើនទៀតផង។ កើតនៅឆ្នាំ៥៥១ មុនគ្រិស្ថសករាជ លោកក៏ជាគ្រូបង្រៀន អ្នកនិពន្ធ និងជាអ្នកនយោបាយក៏ពូកែបំផុត។ បើនិយាយអំពីទស្សនៈ​ និងទ្រឹស្តី របស់លោកគឺមានរាប់មិនអស់ និងមានតម្លៃ មិនអាចកាត់ថ្លៃបានឡើយ។ ប៉ុន្តែយើងខ្ញុំ សូមដកស្រង់ទស្សនៈ ល្អៗតែ១០ប៉ុណ្ណោះដើម្បីចែកជូន ។

ប្រភព: សៀវភៅបុគ្គលល្បី មនុស្ស ១០០ គំនិត ១០០០ រៀបរៀងដោយ ឈុំ សីហា